pêşanîm hewes zanûş cazmen
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1510 views
pêşanîm hewes zanûş cazmen
te’zîmî cenab pîrî lazmen
bała kerdewe meyl ew lay pestî
wirdîkłanen derwazey hestî
me’dûmîPen name! kirdey bedî hezar terz
zanûy umêdit nawero ew lerz
ew kes mizanû setaren aro
cew buzurgiteren şew ew řot naro
sifîdît qełẍan pey řûy syat bo
kemanît şefî’ tîrî dyat bo
nimebo pîrî û ten natewanît
wey dû ferdewo aw des cwanît:
’ezabim er sed ce ḧed berşîyen
ce řûsyayîm giranter nîyen
min ke xecałet xizimit ama pêm
cehennim sed sał dozex bo we cêm
mutrîb, bo we dad diłgîrîmewe
pîrî ha ama we pîrîmewe
newat wêraney dił kero awa
çenî bestey ferd bêsaran mawa:
«îne gird ce we xit nadanîm bîyen
fesłî sermestîy cwanîm bîyen»
«îse ha ce gişt peşîmanîm berd
wadey pîrîmen cwanîm wiyerd»
«koçî dwayîmen, yawanim nobe
nobey tobemen, keremdar, tobe!»