êsta
From the Book:
Çepkê Guɫ û Xunçe
By:
Ali Aref Agha (1910-1996)
1 minutes
599 views
le desta ger heye dû ’ane êsta
biřo xercî bike azane êsta
nekey to bo sibeynê pare cem key
jyanî xoşî zor herzane êsta
le gîrfana nekey ḧebsî dirawit
biço luqente ya meyxane êsta
bike te’mîrî mêşk ya me’îdet
fereḧ bo to gelêk asane êsta
sibeynê xwa ezanê çît beser dê
be pare jînî to şadane êsta
ewaney destyan quçabû mirdin
le dozex mûçeyan sûtane êsta
le dinyaş nawyan nabrê be çake
cinêw bo gořyan milyane êsta
meke bîrî perêşanî sibeynê
heta jîn řûgeş û xendane êsta
ke têr û poşte key mał û minałit
diłit xoş û serit bêjane êsta
becê bêne birakem pendekey min
sibey bo mirdine û bo mane êsta