pay şadîm dîsan maran gestewe
From the Book:
Dîwanî Mewlewî
By:
Mawlawi Tawagozi (1806-1882)
2 minutes
975 views
pay şadîm dîsan maran gestewe
ne pyałey çem jar to bestewe
senem perest nîm semed nasenan
dûy kûrey derûn şîwen řasenan
saqî, mey hey dad, muẍennî, çengê
neyçî, hay feryad, mutrîb, ahengê
germîy mey, newa û kizey def û ney
têkeł bo çenî zayełey wey wey
waçdê çi wadey nişîngey tengen
yaran çemeřa bira direngen
girdîn tedarek beẍdaşan cemen
wadey zyaret ẍewsul’e’zemPersonen
bê to bew xişû’ des we du’awe
kê gerden keç bo new baregawe?
dexîl cema’et bê îmameten
îmamet matem we bê qameten
goşey tay hîndî mendîlî bêgerd
mayl ker ew lay sayî gerden zerd
qyam der we bejin ew qed û qamet
qyamet qam der perê qidْ qamitْArabic
hamderdan pey bezim şadî cem bîyen
çi xeyren seday karî xeyr nîyen
meylit çenîman yekcarî serden
ya dûrba zaman mar kar lêt kerden?
řo perê ew meyl řay xudayît, řo!
řo pey wefa û şerit aşnayît, řo!
řo pey êşî sext margestey karît!
řo pey derdîser kes nadyarît!
ey to kam nedît ce ’erûsî no
ta ’erûsî xak peştan bî we to
cey xarî dindan jar awirdey mar
xatir nazk wêt meder azar
to newgułî baẍ mustefewîPerson bî
gencî xezaney murtezewîPerson bî
guł ’adetşen bê xar nimebo
genc řewyeşen bê mar nimebo
ẍerîbît zyad ne şehadet bî
şehadet hem dem we seyadet bî
ey řesûl aro şewqiş perwaz da
we naz û î’zaz karî to saz da
řicam hen ferda new gerdelûlda
buyerî ne jêr say ew řesûlda