řûbeřûy dujmin

bimangirin, bimankujin, bimanbiřn
herçî dêye leser řêye ke eygenê bîsûtênin
bîřûxênin, tałanî ken, wêranî ken
qiřî têxen
herçî şarî kurdistane bedestane
xwardemenî lê bibiřn ba bişmirin
minał û law, jin û pyaw
pîrî keneftey komawe
be astem hêzî tya mawe
wek řan pêş xotanyan biden
bendyan biken, lenawyan ben
ber gullebaranyan biden
bê dadga şehîdyan ken
yan le hemû řê û kołanê
le gişt layek leher şeqam û penayek
sêdarey zor
ełqey pet şoř
danên, hełxen, hîç sił meken
bimagirin, bimankujin, bimanbiřn
her bo ewey koyletan bîn
biłêy çî bin, êmeş eweyn
ey sa emey êwe eyken hêşta keme
sed ewendeş diřinde bin
bimangirin, bimankujin, bimanbiřn
bêmninet bin
ême kurdîn
bo kurd ejîn, bo kurd emrîn
ta dinya bê zewî mabê qet nanewîn
kurdayetîy ayînmane, jyanmane
biřwamane, xorakî hest û gyanmane, jyanmane
ewey êwe xeyałî eken. boy hewł eden
zor siteme qet pêy nagen
zyatir xoş bin sûr û coş bin
leser ewey
bimangirin, bimankujin
witûwmane û eyłêynewe
řastîye û naypêçînewe
eyłêynewe be aşkira
bo gişt dinya
kurdîn heta dinya mabê
mirov leser zewî mabê
qet nabezîn
kurdîn kurdîn
serberzîy ême ta bê beriztir ebê
be herçî hêze nanewê
çî etwanin
řamewestin
bîxene kar
zyatir lew car
lêman řûne û encamtan her şikandine
le kurdistan derkirdine
boye eyłêyn wişeyeke û witûmane
kurdistanîn qet nabezîn
qet natirsîn, qet nanewîn
bimangirin, bimankujin, bimanbiřn
hîç derbest nîn ême kurdîn
hetahetaş eyłêynewe
le mirdin nasłemînewe