şêrî meydan
From the Book:
Dwanî Şêrî Şehîd Osman Ozêrî
By:
Osman Ozeri (1936-1966)
2 minutes
300 views
beboney nexoş kewtinî «ḧacî îbrahîmî çermegîPerson» mamyewe em honraweyey nûsîwe:
gewrem ey şêrî netirs û nebez
ey piłingî kurd, cengawerî berz
serokî dilêr, ey dujminřifên
ey ser leşkirî napakanřifên
yekem çekhełgir bo řêy řizgarî
bo hełgîrsanî şořşî çekdarî
şořşî řizgarîy kurd û kurdistan
kewa hemû kurd serapa hestan
le seretawe to îspatit kird
bo hemû layek, bo netewey kurd
kewa pêşmergey em kurdistaney
xo bextikerî, serbazî ta hey
le řêy řizgarîy xakî kurdistan
bextit kirduwe saman û gyan
ew gişt kirdewe berzaney to
wek şêr kirdûtin hetakû emřo
mayey şanazîn hetahetaye
xebatit bo kurd bote sermaye
mêjûy kurd heta dinya bimênê
nawî dilêrî êwe ehênê
emřoş kewa to nexoş kewtûyt
birîn bem core lecêy xistûyt
seyrî aso ke hełmî henase
nizay piř gułî piř xem û tase
berz ebêtewe le hemû lawe
kurdewarî gişt bedem du’awe
le qapî gerdûn epařênewe
bo çakbûnewet elałênewe
xwa to bihêłê heta dêrzeman
bo şořş, bo kurd, bo gişt kurdistan
mame gyan herwa to bo em ’êle
be gewreyîy em xwêş û xêłe
serkirdey berzî, řê nîşanderî
bawkî diłsoz û berz û serwerî
nizaman waye le xuday mezin
le pyaw û law û mindał, kîj û jin
xwa bikat le temenî ême hełgirê
le xoşî û şadîy ême bibřê
hemûy bixate ser temenî to
derd û bełay to nek tenha emřo
hetahetaye le ême kewê
bebê to nejîn satê nek şewê