çwardey temûz
From the Book:
Dwanî Şêrî Şehîd Osman Ozêrî
By:
Osman Ozeri (1936-1966)
1 minutes
576 views
kiç û kuř:
çwardey temûze yadman
řojî serbest û şadman
yadî řojî azadman
kuř:
emřo azadîn hemû
zułim û zordarî laçû
xuşkanî aza werin
legeł ême dest bigirin
kiç :
biram êmeş legełtan
pêşmergeyn be řoḧ û gyan
kuř:
mijde bê xuşkî nazdar
fewta kilkî îsti’mar
destit bêne ba hestîn
çunke emřo serbestîn
kiç :
bijî azadîxwahan
bo berzêtîy nîştiman
kuř:
xuşkim lem nîştimane
ke cêgey ejdadmane
kurd û ’ereb wek bira
demêk jyawin tya
kiç :
bijîy birayetîman
xebat û yekêtîman
kuř :
bijîy şořşî azad
wa załmî kird berbad
piçřanî kotî zîndan
mîlletî xiste yeksan
kiç :
ba bijîy supay nazdar
bimrê ḧukmî îsti’mar