dił dizîn
From the Book:
Aşnayî û Roşnayî
By:
Ali Aref Agha (1910-1996)
1 minutes
318 views
bibme qurbanî dû kułmî cwan û lêwî qirimzît
to ke pîşet dił dizîne boç diłî min nadzît
min serim suřma le cwanî sing û memk û gerdinit
to gułî baxî beharî yaxo xunçey payzît
ba hemû şoxanî ’alem bêne lay to bo girew
to yekem cwan der’eçî lem kareda qet nabezît
ahî piř tînî henasem giř le ezmeř ber eda
toş ke xwênit hênde germe qet le befirda natezît
min le geştî deştî jîna axrî řawit ekem
gyane řawçî şarezam min toş be wêney mamzît
xozge bew řojey kewa lêm tûře bûy katî beyan
seyre lam boç wa le espî hoş û jîrî dabezît
naḧezanî to le lay min aşkiraye bê guman
to gułî baxî beheştî ya firîştey yuldizît
«şarîPen name» to hawbezmî yaranî le baẍ û gułşena
axo çî řûy dawe emřo bo çî sersam û kizît