xeyałim wa leser kêwî sefîne
fikir û arezûm
From the Book:
Dîwanî Lutfî
By:
Lutfi (1905-1989)
1 minutes
572 views
xeyałim wa leser kêwî sefîne
ger baweř nakey were bimbîne
fikir û arezûm her wekû ferhad
be řoj û be şew xałî şîrîne
îmřo le şadî dem be pêkenîn
wam lenaw baxê guł û nesrîne
wîrdî zimanim çîrokî leyla
le dił min waye awêney jîne
ger bêtû çawim le to bibřê
beşim her meynet zar û girîne
ẍem lam barî kird şadîm geşawe
baxçey gułałey dewrim perjîne
lutfîPen name ẍem mexo zorit nemawe
îmřoket wekû řojî pêşîne