ḧerîqî zîqî zîndanim, nesîmî subḧidem ba bê
From the Book:
Dîwanî Nalî
By:
Nali (1800-1877)
2 minutes
3145 views
ḧerîqî zîqî zîndanim, nesîmî subḧidem ba bê!
eger řoḧî minit baqî dewê, saqî! meyî nabê!
le wesłî to zyatir xewfinakim, nek le hîcranit
be mîslî şem’ û perwane, bełê ’aşiq debê wa bê!
nîye dexiłim le şaname û mesafî, ẍeyrî em nukte:
ke kuştey bendî toye herkesê azad û aza bê
kesê puştanî bałate, ḧerîfî ał wałate
ke şîbhî kakułî jolîde sergerdanî sewda bê
fîday teşrîfî řêget bê xeracat û xezêney dił
nîsarî tozî pêt bê ger le çawda qetreyê mabê
le ’eksî zatî bêřengit heta key dîde řengîn bê,
cunûnî leyl û meylî neqşibendî ’eksî esma bê?!
meger her yarî neqşînim bibête neqşibendî dił
ke neqşî ẍeyrî řengî ew be awî dîde şorabê
subûtit ba’îsî nefîy mine, wek lamî zulfeynit
le herdû la qedit bigrête naw, wek (lamelfila) bê
gehê ahû řewş şahî, gehê gewher menîş mahî
biła ba sîne seḧra bê, biła ba dîde derya bê!
kemendî zułfî dû lane, le bo gebir û musułmane
dekêşê bê muḧabane, çi lem la bê, çi lewla bê!
le’alî eşkî nalîPen name bêkese, ẍełtanî nêw xake
meger sem’î qebûłit muşterî lûlûyî lala bê!