ey be sûret nûrbexşî aftab û kewkebî
From the Book:
Dîwanî Sabîrî
By:
Sabiri (1881-1944)
1 minutes
459 views
ey be sûret nûrbexşî aftab û kewkebî
wey be lêwanî mesîḧ asa şîfabexşî tebî
çawekanit mestî naze ya le xew hełsawe ya
mestî mey ya xwên řijanî ’aşiqane metłebî?
ḧeyderî çawit be zulfeqqarî ebro ey senem
xeyberî diłmî lebin hênawe şar û mektebî
ta be muẍnatîsî çawit asnî dił cezb ekey
řoḧî ’alem peřřekaye to mîsalî kehrebî
kaşkî min nam û nîşanî tom ezanî mahřû
to ke şazadey ’ecem ya kurd û řûm û ’arebî
xo be řûtirşî le to dûr nakewm ey xûbřû
wek meges sedcar derimkey dêmewe şîrîn lebî
bê beła bî serfî sirkey řût ekey bo aşna
řûbeřûy bêgane wek eskencebîn xoş meşrebî
ta henasem ’erz û ḧałî dił nebate ber demî
key ’îlacî zu’fî qelbî min eka ẍunçey lebî?
bo girûhî ’aşiqan nabê lemewla řaḧetî
ta be dû celladewe to ḧakmî em şare bî
sabîrîPen name aza serî teslîm le ber pêy dabnê
ta le sayey yarewe řojê be saḧîb behre bî