bebê to ’alemî dił ẍerqî deryay ye’is û ḧîrmane
teḧesurî cewanî û teraney weten
From the Book:
Berhemekanî Mistefa Şewqî
By:
Mistefa Şewqî (1865-1932)
3 minutes
1246 views
bebê to ’alemî dił ẍerqî deryay ye’is û ḧîrmane
temaşake şepol ewřo çilon serřêjî çawane
’eceb tofan dere, ḧîssî şebabim hełdeçê daym
le qelbî piř xiroş esrînî çawim le’lî řummane
de (le) afaqî emel ewřo serabe wesłî to dûre
le boye felsefey jînê le bo min bote efsane
cwanî û neş’e û şewqî ḧeyatim bê to berbade
behar řabird û hawîn hat û payîz, weqtî zistane
xulasey meqsedî min zulfî kał bû, boye lêm gêje
serapa fîkir û ḧîssim mîslî zulfî xawî canane
le şeřyan û werîdî cîsmî fanî min wekû xwêne
melalî çawî mexmûrit deka dewran û seyrane
bełê hellacim û ewřo esîrî řengî bê řengîm
be sewday towe mestim, çunke çawit dawye peymane
esîrî ḧusnî to çun me’kesî enwarî lahûte
le tarîkî wicûdî kuncî nasût řojî tabane
çiray fikirim lewê daym dekatin îqtîbasî nûr
mîsalî pîrî meyxoran le camî le’lî meyxane
le seḧran mîrẍuzarî ’alemî erwaḧî ’îllîyn
şehenşahî û xeyałî fikirî serbazîme taqane
muḧîtî min felek bû ewcî qudsîyet nîşanî dił
munnezeh bûm le pabendî fisûnî cîsim û xumxane
ke teqdîrî ezel wa hat esîrî çawî cadût bim
de sîcnî teb’î cwanan řuḧî pakim bendî zîndane
çilon teb’î beşer mexlûqî xakî pakî tînet bû
hubûtî kirduwe fikirim řuḧim hatote hêlane
lenêw dinyayî xałî hełbijardî paşî tedqîqî
le cergey asyada me’men û me’wayî şahane
çemen şîn û semen xoşbên û daym mestî ezhare
be şax û dax û çom û kanyekan sertaqî êrane
lewê daym denoşî badeyî sewda, sibeynan zû
be pyałe çawî nîrgis bulbulî aşfite ḧeyrane
lewê têr’aw debê xulyay cwanî û řûḧî ẍemgînan
ufûlî erẍewanî řojûy paş mangî tabane
ke xakî pakî wî lanke le bo êsqanî bapîrman
leser qebrî cewanan dîdeyî şillêre giryane
temaşay her qedî darê meke ewřo be gyansextî
ke ew şînaye yadgarî qedîmî daykî kurdane
lewê ewřo bebê to derdedare daykî serşêtit
bebê to dezgîranit fate çawciwan dîde giryane
ewê mułkî qedîm û mewtenî ecdadî pêşûte
be merdî! meyřûxêne çun ḧerîmî mułkî babane
be ’îlim û me’rîfet têr’aw bike fikirî cwanît ta
degeł şewqîPen name be cûte muftefîq bin merd û merdane