boç denałênî leser lêwit le boç bar kewtuwe

lebo hawałî matemdar
From the Book:
Berhemekanî Mistefa Şewqî
By:
Mistefa Şewqî (1865-1932)
 1 minutes  706 views
boç denałênî, leser lêwit le boç bar kewtuwe?
leşkirî zulifit ke xaw û kałe boç řûy girtuwe?
ahî to wek bay simûm wa hat û qelbî dadřîm
ey felek kostit kewê! ewcare bo wat kirduwe?
çende meḧbûbe leser endamî serut cilkî řeş!
to be firmêskî xuwê, ew řengî řût bo şuştuwe?
řengî to xo zerde, zulifit kałe, qamet mameşî
ya lenêw paytextî řomê swêsne pişkûtuwe
çawekanit keylî firmêske le tîjî mateman
mîslî şu’řay ewcî asmanî seḧer derkewtuwe
çarşêw û desmałî to, şerḧe lebo tarîkî şew
min le ’umirim mang lenêw tarîkeşew nembîstuwe
dest û pencet çende nerme merhemî derdî diłe
lêm geřê ba maçî kem, bextî cwanîm xewtuwe
lêm geřê ewřo be desmałî ḧerîr bêm bistiřim
daneyî mirwarî firmêskit hetîw hełkewtuwe
dabnê ser qelbî zarim ew serî piř coşî xot!
hem be lay layî diłim binwe zemanî hatuwe
qelbî şewqîPen name çun ḧerîmî ’îşqî cêy dîrînete
boç denałênî, leser lêwit le boç bar kewtuwe?