hay fełek dîsan çerxê werdewe
From the Book:
Dîwanî Cefayî
By:
Jafayi (1835-1890)
1 minutes
470 views
hay fełek dîsan çerxê werdewe
ten we toy yaney meynet berdewe
badî muxalîf bext awerdewe
keştî dił ne beḧir ẍem gum kerdewe
pey çêş çendê bî çenî nîgar bîm
derûn şad azad dił bê azar bîm
subḧim ham suḧbet sibûḧî diłber
şam meşam we boy muşkîn mu’etter
bê xeber ce fesił fesił ceyran bîm
ce teskîn qîn fełek ḧeyran bîm
nezanam karş gird ḧîle sazîn
ḧałatiş sercem fîkir bedwazîn
keyf wesiłim keyd fełek berd ce zeyn
ce naka fîraq ebed wist ew beyn
sa fełek henî çenît çêş waçûn?
do’ay min daym kerot seringûn!