têx dûrî dos ciger to kerde
name bo meftûn
From the Book:
Dîwanî Cefayî
By:
Jafayi (1835-1890)
1 minutes
538 views
têx dûrî dos ciger to kerde
hûnaw zaman řîşey dił berde
ten let let we seyf ebroy ew diłber
pêkyay peykan mujey dił peyker
«meftûn»y me’lûl ’eyn nergis bêz
meḧbûs zincîr tuřřey muşk řêz
sed hezar ḧesret pey dił ewgarît
ah serd û derd pey zam karît
ustad te’lîm sermedresey ’eşq
ne tedbîr derd ewgaran piř meşq
mer newat seyyad têx û tîr we des:
dexîl ce desiş xelas mebo kes
mekere guzer we me’way ewda
çun diłan ce laş han ne girewda
mer nedît perê ẍezałey muşkîn
çend řêzam wetaw ce dîde esrîn
kerdim we nîşan dił perê tîrş
ser kerd hûn çun seyl ne cay te’sîrş
îse çem bê nûr dił zedey piř zam
sîway êş û nêş neyawam we kam
necatit cey derd er hen temenna
beł çun cefayîPen name neşî we fena
hałay ḧusin řûy dîdey diłřêşan
we sefḧey diłda sûret nekêşan
çun tebi’ kîtab ’eşq diłdaran
wêt lader ne bezim perî řuxsaran
werne cew dima ce des syaset
qet’en xelasît ta řoy qyamet