ahuwan pey dîn dîdet ḧesretmend
From the Book:
Dîwanî Cefayî
By:
Jafayi (1835-1890)
3 minutes
628 views
ahuwan pey dîn dîdet ḧesretmend
diłan we kemend tuřřey to ne bend
řewac der we ’îlim dîn diłberî
’înwan dîwan cay cîlwe gerî
bê terz û nezîr ne fîrqey perî
say gerden biłind ce gird gerd berî
dîsan seng sext serdî meyleket
şîşey şadî dił mobet keyleket
wird wird kerd nesîm sa îstîẍnayît
gerdiş berd ew herd bê aşnayît
cifit kerd pey çêş ey bê wefa’ît
ẍafił kerdey ’ehd çenî cefayîPen namet?!
goş merḧemet meyl leyl asat
lawnay diłan ’alem şinasat
kon ewsa persat ne řewyey wefa
eḧwał diłey şêx piř cefa
řû meda perêm her sat sed sefa
menoşa derûn min badey şîfa
minmanay penem ne her subiḧ û şam
gonay gułřeng cemînit çûn cam
şineftim řazan şîrîn terz to
bînîm mes we boy gêsûy muşk to
ad bî muqewwî quwet cesed
qût řaḧetî řoḧim ce ḧed řed
êd bî sebeb pey nimay bałay dił
musteẍnîm mekerd ce boy piřey guł
mişanay ce dił tîr tîz naz
mamam ne derûn soz bê endaz
îste ne ew meyl, ne ew lawnay dił
ne persay ḧałet, ne minmanay guł
ne ew řaz, ne naz, ne amay ew bo
serdawe perêm derdan gird ce no
xulase heway serdî meyl leyl
new guł murad dił ce derdan keyl
řêzan we toy xak ay bedbexte wêm!
bułbuł bê guł, nałe sexte wêm!
ay dił ce kałay şadî luxte wêm!
pey mezre’ey derd erz sexte wêm!
ay pey bełay dos ferd wexte wêm
cestey çûn suftey xes direxte wêm
dîdem kê çun min dił teslîmit kerd?
kê çun min cefay hezar řengit werd?
kê çun min çenî ey gird êş û derd
çenî ’eşq to gyan we gił siperd?
kê çun min perêt tewellay xwêşan?
kê çun min we tîr to cergiş êşan?
kê çun min perêt bî we řisway nas?
kê «mwat ah as her sat mekerd tas»?!
to pase bê bak min wey řeng hîlak
wademan dîwan ferd tenyay tak
em parçe şî’rî «şehîd»e leser zimanî «şahîdî» wełamî «cefayî» edatewe
perwaney şeyday şem’ pêşanîm
qamet xem we xem ebroy kemanîm
sewdayî sewad nuxtey xałekem
herasan lêw le’il ałekem
dił ne bend tay gêsûy muşk bom
’aşiq we şêwey qemer bêz řom
namey derûn soz cefa û derd amêz
yawa we xidmet ahûy zułf dêz
hamferdekey wêt «şehîd» derdan
wanawe perêm seraser ferdan
ḧałî bîm yek yek fermûdey xast
şor ’eşq dił piř soz řast
eweł ke xalîq mewcûd û me’bûd
awerd ne ’edem şêwem ew wicûd
wicûd derdan çenî wicûdit
hem gerden ta wext fewt û nebûdit
henê xetayê migîr ce şêwem
er to lêwenî mecnûnî lêwem
wibi’dArabic bew zat ey şêwe kerden
aramş ce dił peşêwit berden
ta ’eksî şêwem ne toy camî dił
bê gerd û zełał to daro menził
we bê meylî min migîro gerdê
myawoş sizay bed’ehdî derdê
wefa çenî min wêney to û cefan
cefay tom cefan, sefay tom sefan
herka ew lwa mer ewsa êd şo
do’ay to pey min, wefay min pey to