nazar nezanî
From the Book:
Dîwanî Melay Cebarî
By:
Melay Cebarî (1806-1876)
1 minutes
942 views
nazar nezanî ...
ḧerfê mepersam le řay nezanî
ce kot hawerden feyrozey kanî
nyanit we text le’lî řomanî
qedîm le wêten ya îsasenen
ya le neqşî çîn fexfûrit kenen
ewsa min tom dî neywer newřes wêt
naşîye şikar dûr ne hewes wêt
ewsa maranit yeşta mar tûl wê
dawit kilf newê, lûlit melûl wê
êsta maranit sam le «ḧey» senen
ley enazî gaz wazî wezenen
şay maran we ḧukim more řa kerden
des pey qifłî bax kaf û lam berden
çun şemałey şem’ giř giřanmen
pey pasî maran zeng ziřanmen
hanay min yekî marî to gesten
terwalem nedur awedanî besen
ḧey weçan çyeşen lewlay damewe
buseşan kerden ne penamewe
bî kî bo ney ’umir wiwêş wîrde bo
şah morey cimhûr peyda kerde bo