ey xakî weten bê fereḧ û zewq û sefa xot
From the Book:
Dîwanî Ḧemdî
By:
Hamdi (1876-1936)
2 minutes
2667 views
ey xakî weten bê fereḧ û zewq û sefa xot
piř ḧadîse meḧkûmî hemû ḧukmî qeza xot
bazîçeyî serpenceyî erbabî řya xot
bê ordû bebê zemzemeyî şah û sera xot
sed ah ke bûyte hedefî derd û beła xot
em kurde ebê da’îmî her quř besera ken
her care le gunye ebê bergî bebera ken
wek te’zîye elwaḧî řeş û şîn bedera ken
pêwîstî çîye dujminî xoyan be bira ken
’alem ke biłên saḧbî ewlad û bira xot
ger wa bê temeddun min û wez’îyetî weḧşet
sed xozge be zułmet eme bê ḧałî ’edałet
dewłet eme bê řeḧmetî sedbare le negbet
dermanî nîye ’acze lem ’îllete ḧîkmet
çi bikem, çi biłêm êsteke meḧkûmî fena xot
bê derpê ebînim bûne saḧêbî derpê
bê cê hemû dyarin bûne saḧêbî řê û cê
asarî nema şwênî kurd bûnete jêr pê
fewtawe nezim win buwe min kêm û eto kê
bê ’alîm û bê sanî’ û bê ehlî wefa xot
wesifit ke neguncawete efkarî çi şa’îr
new’î nîye, erizit nîye şubhet be menazîr
wek gewhere berd û giłeket ’eynî cewahîr
bê mîsle muḧeqqeq çi le batîn çi le zahîr
bem xezneyewe muntezîrî lutfî geda xot
kwa taqmeke û welweleyî dewrî kerîm xan
kwa dwazde swareyî bebe meşhurî merîwan
kwa fîrqeyî bitlîsî hewaxwahî bedirxan
kwa mîlletekey muttefîqî dewrey turkan
bê pyaw û bebê komeł û cêma û cya xot
hawsê hemû wek dałn û em kurde wekû lak
çingyan le cigergahî hemû dawe bebê bak
bê xwêne gułî zerd û ze’îfe wekû xaşak
ḧemdîPen name de bipêwe quř û singit bike çak çak
bê qewm û weten piř esef û derd û cefa xot