medenîyet
From the Book:
Beheşt û Yadgar
By:
Goran (1904-1962)
1 minutes
1495 views
medenîyet: gułî beharî ḧeyat
medenîyet: hewayî neş’unuma
medenîyet: wesîleyî îḧya
bo hemû mîllet û ’umûmî wiłat!
medenîyet, elektirîk, qemer
ey zyabexşî ḧałî new’î beşer!
qewmî kurdî hejarî bêçare
wêłî teyhî cehalete, hawar!
mandû, mirduwe, ẍerqî toz û ẍubar
tey eka em muḧîtî esrare!
serserî, bê nesîbî řu’yet û gwê,
jêrî pêy dumeł û beden twê twê!
mewqî’î piř diřindeye, xetere
nawpelî fîle, koşî ’îfrîte
çawî mergî hemîşe lê zîte
ax ke em qewme çende quřbesere!
medenîyet, elektirîk, qemer,
ey zyabexşî ḧałî new’î beşer!
ey şu’a’î hetawî ḧeqiq û necat
medenîyet! dexîle sa pelepel
piř zya ke semayî tarî emel
ba bibînîn beheştî řastî ḧeyat!