behar
From the Book:
Wenewşe
By:
Muhammad-Seddiq Mahmudi (1937-1990)
1 minutes
1218 views
kurdîne mujde, ewe behar hat
bizey dê lêwî amanc û awat
be bergî gułan poşrawe sara
dełêy no bûke û leberya xara
nêrgis diłopî şewnim le dewrî
her dełêy çawî diłdare û degrî
řazawe kêw û kej û çya gişt
be nexşî cwanî serpencey siruşt
gyan geşênewe mêlaqey ser şax
cergî wenewşey řeş kirdiwe be dax
ewe wenewşe legeł hełałe
botarîfyan swêsne lałe!
xuřey hełdêr û çiře wiguřey çem
dadeřnê le ber dił bergî matem
be geşîy gułî şox û şengî çił
diłî piřtasey bulbul dête çił
deřjênê neẍmey hajey befrawan
girêy firmêskî şadî le çawan
şemał dê wimujdey«behar hat» dênê
begwêy deşt wiçyay da deçirpênê
be şiney şemał û be cirîwey mel
kewtote sema gułałey dem kel
detruskê kanîy serlêj û hewraz
le piřşingêkî hełdefřê sed řaz