dîsan felek em daxe çi bû nay be cigerda
şîwen bo eḧmed muxtar begî ’usman paşay caf
From the Book:
Dîwanî Kemalî
By:
Kamali (1886-1974)
2 minutes
696 views
dîsan felek em daxe çi bû nay be cigerda
em agire çî bû le diłî ’alemî berda?
dîsan çîye em şore le naw mîlletî kurda
’alem hemû ẍerqe le quř û şîn û çemerda
min dîwmelexak dête derê guł be beharan
bo çî gułî min mate? le jêrî gił û berda
hengamî xezan fesił û demî koçî gułane
bem fesłî behare gułî min wa le seferda
ew xusrewe wa ḧatemî tey bû besexawet
ew řosteme waşêrî jyan bû le neberda
seyrî ke çilon çerxî felek derbederî kird
kujra be ẍerîbî le kej û kêwî newerNamed-Entityda
zanîm ke kusûfî ebê řojî hemû cafan
min ew şewe gerdûn ke xusûfî be qemer da
ey serwerî ’alî neseb! ey eḧmedî muxtar
boç xwênî şerîfit be hewada be heder da!
seyrîke ełêy xwênî řijawî geşî toye
«sîrwanî siruşkim ke eka haje le serda»
herçende ke řoyştî bełam zîkirî cemîlit
wîrdî demî kurdane le şam û le seḧerda
ew nawe biłindey ke becêt hêştuwe bê şik
eynûsê mu’eřřîx le tewarîxî beşerda
nabřêtewe xwênit buwete xwênî syaweş
menqûşe cemałit le dił û fîkir û nezerda
te’rîxî wefatîm le xîred pirsî witî pêm:
cêy ’edne ew û êmeyî cê hêşt le seqerda