cîhan’araye meh emma ne wek řût
From the Book:
Dîwanî Salim
By:
Salim (1800-1866)
1 minutes
769 views
cîhan araye meh emma ne wek řût
hîlalî yekşebe nagate ebrût
le lebta menbe’î abî ḧeyate
dełêy řêy zułmete her sû le gêsût
heway sêbî zeqen ey dił nekey qet
muheyyaye le řêta çahî hařût
ke to ẍa’îb debî tarîke çawim
dełêy nuqtey beserme xałî hîndût
be yadî le’lî diłber eşkî xwênîn
meřêje le’lî xoy nada be yaqût
le nutfey, tîflî muşk, ahû ’eqîme
neba feḧlî seba ger bo xeta bût
legeł bergeştebextî min mujey to
qyasim kird le řûta wek yekin cût
tebî muḧrîqme bo pustan û lêwit
deway tebrîdî min ’unnab û lîmût
le baẍa ẍunçe meşqî lêwî toy kird
nuxustîn guł le xendey towe pişkût
mepoşe řûbeřû řûy aftabit
bebê řûy to delerzê salimPen namey řût