leqleq asa leq û bed řewte mela

dir wisif astad asma’îl sinnidicî xyat
From the Book:
Dîwanî Salim
By:
Salim (1800-1866)
 1 minutes  811 views
be heyûla şuturî newte, mela
leqleq asa leq û bed řewte, mela
dîbeme medrese tenxiwahî menar
qametî şahîdî mizgewte, mela
peyřewîy seb’eyî quřřa nîye boy
be newa xarîcî her ḧewte, mela
’îzzetî herçî usûlate nema
beskî bed lehce û bed sewte, mela
camedaranî ḧemamin şahîd:
kunî piştî wekû eşkewte, mela
yek tewîle ker, eger hemřehî bê
heme ca qaym û berkewte, mela
wek dirextî řeşeba řîşe kenîw,
her le ser ta be qedem çewte, mela
xayeyî gizgilîye û newsî beřû
şikemî kundeyî piř cewte, mela