le kurdistanda giranî
From the Book:
Dîwanî Zêwer
By:
Zewar (1875-1948)
2 minutes
1009 views
seyrî dinya ke legeł menzereyî wêranî
dûr be lêy xwênî birînî diłe řêgawbanî
yek dû sê parçe kelawe nebê mawe eserî
cêge hêlaneyî away nîye ta biřwanî
şîddetî germî le dû çawit eda seyrî bikey
kêwî xaksiterî germe le hemû meydanî
kwa dêhatî ke le xakî hemû şêr bû der’ekewt
fexrî te’rîxî cîhan bû eserî şêranî
kwa ewaney qiseyan ’eksî edaye derudeşt
pirsî dinya ke le kwên ’alemî bê payanî
emřo hîçî nîye mecmû’î ḧîkaye û mesele
her birînî diłe mawe eserî ’umranî
cêgrî sebzeyî baẍ û çemene xakî sya
sed hezaran gemey ahengî letîf û cwanî
nayete ḧeddî nîhayet le wiłatma birsî
bote yek meqbere her ’a’îleyî caranî
her xirape ke deçê řoḧ leberê dengî nîye
dił wekû berdî řeq etwêtewe bo nîştiwanî
teřefê facî’e ekřênêtewe cergî weten
terefêkîşî řewe gurge bedem û dindanî
wek diřinde leşî bê çare û bêkes egezin
zeferî axrî turkan eme bû îḧsanî
ey şehîdanî weten, ey befîday xakî weten
’ezmitan zînduwe namrê bexuday řebbanî
çunke me’nay wetenit memleketî îslame
newekû şam û ḧîcaz û yemen û ken’anî
to ke xwênit befîda kird bigeye meqsedî xot
to ke ḧemlet enedoł bû ke nema îmanî
ḧîretî xiste cîhan herwekû ecdadî kîram
bê şik û şubheye to erşedî kurdistanî
wa mezane le diła xwênî şehîdît kem ebê
yekser em meşrîqe matem girtûn, însanî
’ezmî to meqsedî to herçî ke bû bê her ebê
meḧu eka munteqîm eřwaḧî, zelûm û canî
se’î to řêy ḧeqe bo mîlletî xot, îstîqbal
ser dexa tacî zeferbexşî eka îstîqlal