wa gełařêzane gyane bo çemenzar
payzî zistanî
From the Book:
Dîwanî Bextiyar Zêwer
By:
Fayq Zewar (1908-1952)
2 minutes
615 views
1
wa gełařêzane gyane bo çemenzar
haje hajî bay xezane řûbeřûy şar
ew dirextaney ke seryan zor biłinde
ew gułaney řeng û boyan zor pesende
ew melaney cêgeyan ka û sehende
hatnî payz leber diłyan girane
çunke tundî û girj û monî piř cîhane
2
bayekey payz be carê dête serman
xoł û pûş dênête xwarê bo guzerman
potełakî dar ejakênê be yekcar
řûy gułan zerd heł’egêřê wek sitemkar
şadmanîy mel exate naw diłî ẍar
çing le herçî gîr bika manî nemane
bem kize sardey nyazî piř zyane
3
her ke payz bê seruşwên řoy leber çaw
leşkirî zistanî piř qên dên bepřitaw
hêzî weyşumey lejûr serman ewestê
hatuçoy pêdeşt û serbenden ebestê
çîn be çîn em nawe befrî tê ebestê
tîşkî řoj eşkêtewe germî nîhane
řojî gurcî û řê biřîn û pê lê nane
4
befrî zistan toqî payz tund û piř hêz
bo wiłatî kurdî azîz eçne parêz
şaxekanman ebne kogay befrî estûr
nawî řûbarman ke dêt wek erxewan sûr
nîştimanî kurdewarî xwar heta jûr
tof û befir û ba lelaman xoş û cwane
çunke kwêstanîn û řemzî nîştimane
5
payzî zerd ba be ’înwan karî wa bê
bigre laman xoşe zistan befir û ba bê
ew kesey sersame lêman diłnya bê
ceste xoşey meynet û dił hełkizawîn
bem kej û kêwane serberzî tewawîn
bo ser û jûr key hîwa xêçke betawîn
befir û ba řêy ême nagrê takumawîn
çunke hewłî ême bo berzîy jyane
çust û xwên germîn û diłman şadmane
tîr bibarê kirdukoşman bê wiçane