fîdat bim xakî kurdistan

fîdat bim xakî kurdistan
nimûney cennetî ’ednan
leser ta xwar
guł û gułzar
diłî ẍembar eka derman
fîdat bim xakî kurdistan
hewarge û dîmenî cwanit
le germên û le kwêstanit
be bêgane
wekû tane
ełên gyane minim lubnan
fîdat bim xakî kurdistan
be seyrî to minî miskîn
fereḧ dête diłim çîn çîn
lewê dabeş
ebê bo leş
wekû ateş eka cewlan
fîdat bim xakî kurdistan
bełê guł xoy ke enwênê
bînay hestêm elerzênê
bełam wek to
gułêkî no
be řeng û bo nîye qurban
fîdat bim xakî kurdistan
le bîrme wek şitê me’lûm
minał bûm ’aşiqî to bûm
ke mamostam
le řîz day nam
witî ey xam binûse cwan
fîdat bim xakî kurdistan
ewîş nebwaye baweřke
gił û berdit ke mûfeřke
eyankird kêş
diłî piř êş
wek asnikêş bebê tawan
fîdat bim xakî kurdistan
leser min ferze ta mirdin
le wesfî to xeyał kirdin
be şî’rî cwan
weya pexşan
diłî însan bikem ḧeyran
fîdat bim xakî kurdistan
bełam bo xizmetit gyane
umêdî min be pyawane
ewan zorcar
hezaran kar
eken řizgar bebê daman
fîdat bim xakî kurdistan