firîşte
From the Book:
Dyarî
By:
Kameran Mukri (1929-1986)
1 minutes
2127 views
řûmetî wek gułî bêgerd
qijî xaw awrîşmêkî zerd
çawî kał eger çî nerme
bełam nîgay êcgar germe
bałay wa, demêkî wa teng
endamî awa şox û şeng
nebuwe... ya min nemdîwe her
lew çeşne bejin ya kemer
lew řenge kułmî geş û ał
lamlêkî wa cwan û kał
cwanêke tak wek firîşte
ax wesfî min zor dirişte
kwa şî’rêk wird, xoş û germ
wek endamî leşî... nerim
ke şîn epoşê wek samał
wek mange le asoy xeyał
min her ewendem le des dê
ke dêt wek kew têpeř ebê
pêşkeşî kem yek henase
piř le peristin, le tase