ey řoşnîy çem ta key teşrîf ber
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1693 views
ey řoşnîy çem! ta key? teşrîf ber
lêławî, sa dey! hûnawey hûn ker
pey çêş, qîblekem ’ezmî sefer kerd?
sêławî dûrîş řîşey hestîm berd
bînayî we řast diłey piř derdim!
ay çend sersext bîm lway nemerdim!
biłêsey kûrey hîcranî bałat
germîy meḧrûmîy tozekey pałat
ayr dan bey tewr mobet seray dił
yadeket menden pey mesken xecił
diłe! we badey wesiłş badî bî
demaxt ne ewc bircî şadî bî
hîcranî bałaş we hîç mezanay
wêt we saḧîb sebir taqet mewanay
sa îse, ha derd dûrîş awerd coş
sebirit er azan bimano şinoş