îmşew her xemen ha ne kemînda
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1827 views
îmşew her xemen ha ne kemînda
her derden midom we řûy zemînda
dił ne gerdelûl bêperdaxîyen
demaxim ne gêc bêdemaxîyen
sa, derwêş! we ’îşq melawî derwêşan
we ya hûy we soz řyazetkêşan
her pase mebo zelîlî, dexîl
çîney zyater mazem we zelîl
pey dîgî derûn coşî kuł û kef
teskînî nimek kizey kef û def
ba beyo weş weş sozey sedaket
lerey neway terz şîrîn edaket
bew na’îrewe, bew da’îrewe
xas binyer hestîm we ayrewe
beł îmşew xeman şêwnan kełek
ta seḧer çûn bo gerdişî fełek