kwêxay bekireco
From the Book:
Bo Kurdistan
By:
Hazhar (1921-1991)
1 minutes
1079 views
şî’rêke pêşkêş be mamosta bile kirawe û le xebatî jimare«492»da çap kirawe:
biley eḧeřeş caşî řenceřo
wekîlî ’are û leser «bekireco»
çend cwanit lê dê mwî sipî û řûy řeş
noşî gyanit bê kengir û kerbeş
neqîzet ewê řêget hewraze
dek pîrozit bê kurtanî taze
pîrî axirşeř wetenit firoşt
abřût gořyewe be şerab û goşt
çûye baweşî dujminanewe
xul exoy belay qatir xanewe
zor herzanit da şerim û wîjdanit
kwêrit kirdewe małî bawanit
eḧey bawkîşt to abřût bird
bîrî lê bikewe mamosta çit kird
nirxî nîştiman pare û co nîye
nîştimanî kurd mułkî to nîye
ger abřût bû bê! ewîşt dana
seła le eqiłit mamostay zana
hezar xayînî wek toman dîwe
be awat nega û le řê topîwe
kurd her emênê û mafî desênê
yadî toş eka car car be cwênê