bezeyî
From the Book:
Dîwanî Pîremêrd
By:
Piramerd (1867-1950)
1 minutes
497 views
babe: seyrî em berxe ke çend cwane
řołe: ewe berxî meřî xomane
babe: tuxwa, ba em berxe hî min bê
way lê ekem qoç lê neda û hêmin bê
řołe: to em berxet boçî xoş ewê
bařey xoşe û hogirme û dûm ekewê
wa dam be to, çonî bexêw ekey eyzanî
bîşo, pakî řabgire ta etwanî
em berxe ger bexêw bikirê û bêt be meř
le sêw û mêw çaktir boman dête ber
şîrî ebê eyxoynewe sibeynan
sertiwêjî mastekey exoyn legeł nan
keşk û şîrêj û swêreke û penîrî
eyxoyt û bo kes û karî enêrî
xurî ekeyn be cacim û popeşmîn
be bermał û cewał û şał û serzîn
be zawwizê, pere egirin, zor ebin
řanêkî lê dêteber nayet le bin
ke mîwan hat, serî ebřîn goştekey
na, na, tuxwa babe ewe qet nekey
bestezbane, xanezaye, şîrimje
wek ême jînî xoş ewê meykuje
berxêk ke ewende çakey bê boman
serî nebřîn gunah nekeyn bo xoman