newroznamey nesrîn û perwîn
From the Book:
Dîwanî Pîremêrd
By:
Piramerd (1867-1950)
1 minutes
711 views
par dête bîrim wek xewê
ke dîbêtim pêrê şewê
sałêkî wa tazem dewê
ke kurd beharî berkewê
wetenî pê bêt be gułzar
mijde bê sał geřayewe
agirî newroz kirayewe
befrî zistan twayewe
gij û gya û guł jyayewe
nuxşeş bê le kurdî hejar
guł le baẍa xoy denwênê
bilbil be řûyda dexwênê
hewr mirwarî epjênê
şemał zîndeganî dênê
nêrgiz meste û çaw be xumar
wa ferşî çemen řaxra
gułałe bû be şewçira
guł desteyan best wek bira
nesrîn û lawlaw têkxira
hatne lence seru û çinar
bilbil şew be awatewe
badey şewnim exwatewe
degrî be minacatewe
bełkû guł dem bikatewe
ew pêkenê û em bigrî zar
wenewşe wek min şînpoşe
le sucdedaye xamoşe
diłî bo giryan becoşe
beharî le la naxoşe
bêzare le neẍmey huzar