hawdemî hamferd
le sałî 1939da be nawî «kesnezan» ewe biławî kirdotewe
From the Book:
Dîwanî Pîremêrd
By:
Piramerd (1867-1950)
1 minutes
566 views
hawdemî hamferd, serkirdekey xem
řê nekewt xeman cem keyn legeł xem
hîwayekim bû bom neçuwe ser
emwîst be boney bonkiz bê keder
ay bew yadewe êsteş serxoşim
bew şinoy baye hêşta medhoşim
katêk bew gerdin zîwî safewe
wek askî xuten be boy nafewe
lew tûn bo ew tûn gumetey ebest
’etir’amêz bû řûy ko û herd û deşt
ew bone xoşe şemał eypexşan
dermanî derdî dûrî egeyan
perdey diłtengî la ebirdewe
herdem jyanî nwê ekirdewe
direngit pê çû, çewaşey çepgerd
tesellayek bû ewîşî labird
êsta ew gence, ew lar û lence
be serpencey zor diłit kird řence
ay leş piř birîn, dił be xerîkî
dîdar be dûrî, merg bew nizîkî
elay kê berîn daxwazî tedbîr?
hey dad le tedbîr, hey řo le teqdîr!!
xo em bedbextey xoşî nedîwe
bextî řeşî xoy zortir nasîwe
lem çare nûsey qurbanî dulber
nek carêk çwar car «alle akbirArabic»
le gêjî deryay aşûbî zeman
bo keştî xelas ebuwe badban