diłim her ew diłey carane êstakeş enałênê
wiřêne
From the Book:
Dîwanî Exol
By:
Akhol (1911-1988)
1 minutes
8548 views
diłim her ew diłey carane êstakeş enałênê
henasey sardî nakamî le sînemda etasênê
eger cwanît serincim řabkêşê, megre lêm çunke
cemałit peykerî vînosîNamed-Entity xway cwanîş ecûłênê
peçet lade bibînim řût emin xo seyrî to nakem
le řûy to tê degem yezdan çilon nexşî enexşênê
ke tîşkî řoj eda zaxawî pirçî zerdî zêřînit
lelam qews û qezeḧ hîç řewneq û şewqêkî namênê
beweş diłşad û xoşḧałim ke yadî na’umêdîy xom
be xuř eşkî le çawana qetîsmawim ebziwênê
temen řû bo xezan eřwa keçî gerdûn ewa taze
le wêraney diła towî gułî diłdarî eřwênê
be çeşnê xoşewîstîy to le sîne û kellema çespe
meger camî ecel ew tîn û tawey lê hełêncênê