řojî taze
From the Book:
Dîwanî Pîremêrd
By:
Piramerd (1867-1950)
1 minutes
1023 views
řojî tazey sałî tazey ême hat
řojhełat řojî hełat, serma hełat
bay behar hat xakî zîndû kirdewe
boye nêrgis çawî mestî kirdewe
newciwanî hat û pîrî birdewe
tîşkî řoj derkewt temî labirdewe
herde sewz û more wêney bergî bûk
şayî denwênê çiraxanî giłûk
şewnimî naw lale badey bilbile
bew meye serxoşe wa şeyday gułe
çunke xoş awate hem awatexwaz
zor besoze nałekey wek soz û saz
hate cunbuş aw û sewze, ba û dirext
dewrî kanî bû be gułzarî beheşt
ew beheşte xoşe cêy bezmî ceme
dem be dem cêy yekdigîrî hemdeme
burcî berxe řoj ser’efrazî eka
berxî êmeş boye wa bazî eka