nawqedî çiley zistan piçřa
le sałî 1941da em hełbeste le katî xoyda pîremêrd be nawî «zerdyanî» yewe biławî kirdotewe.
From the Book:
Dîwanî Pîremêrd
By:
Piramerd (1867-1950)
1 minutes
1033 views
nawqedî çiley zistanman piçřa
emřo pişkokey hewaman giřa
hewa be tînî ew teşqî şika
pencey le go çû pêkewe lika
befrî serçawey zełim twayewe
hetaw kewte tîn řoj geřayewe
lewbermanewe, le nêrgisecař
nêrgis be bonî xoşî kewte cař
bew çawe cwaney wek dîdemestan
agirî xiste naw cergî zistan
şêwey şîrînî nêrgis lew řêye
efsûnî şêwey şîrînî pêye
ke ełên nêrgis ełê kê? ew kes
goşey çakî dił berneda le des
řastewe bûne bew çawe cwane
be dûla neş’ey bo dił û gyane