tavgey załim zełim
From the Book:
Dîwanî Pîremêrd
By:
Piramerd (1867-1950)
2 minutes
964 views
tavgey załim zełim, tavgey załim zełim
giryey çawî çerx piř le nałe û tem
zadey cergî kêw, mewcûdî ’edem
dêwane’asa şeyday řû le çem
ser le berd edey toş be sewday şem
sirewtit nîye le nałe yekdem
lew kêwe berze ekewye xwarê
řîze mirwarît le dem ebarê
dyare ’aşiqî wa nałekarî
seḧra newerdî peycoyî yarî
perwane be suř xoy desûtênê
awî sardî to cîhan ejyênê
em ser le berd û em hełpijanet
«yahu, yamin huArabic» y qudsî teranet
bo zîndeganî şarezûrmane
ax mîlleteket qedir nezane
baẍ û bêstanit lebera naken
ta bew sayewe wiłat awa ken
eger gişt kêłgey daçênrê delên
fîr’ewnî xakî mîsrî pê ełên
eger şarezûr bêt û awa bê
řojî şettî mîsir ebê awa bê
xornewerzanî şay xan eḧmed xan
bubuwe nimûney îremî cîhan
îste ew şwêne kewa wêrane
bo çawî hîwam buwe be tane