astiqbal nimudin firman û xili’it şahî amîran bih amir siltan zimîr
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
743 views
emirş kerd derdem sułtan ḧîşmet
guzîn kerd serheng umeray dewłet
serdaran yekser be emir sułtan
kerdin îstîqbal xel’et û ferman
e’yan pey ḧuzûr sułtan bî řawan
teqdîm kerd ne text xel’et û ferman
sułtan pey te’zîm xel’et û ferman
qyam kerd ne text zemîn û zeman
cewdimay sułtan xel’ethay şahî
heryek pey saḧêb wêş kerdiş řahî
hem xel’et wêş poşa be endam
tebrîkiş kerdin serhengan temam
cewdima sułtan be ’eyş û şadî
îcra kerd ełtaf mubarekbadî
zumrey emîran ce ḧuzûr şa
ḧemd û şukir ḧeq awerdin be ca
hem kerdin du’ay dewłet penahan
baqî bo herdem uxwat şahan
hem yeqîn poşa xel’et şahî
ce xerqey nigîn zeřřîn kulahî
hem sexa poşa xerqey mirwarî
sitana direfiş û řutbey serdarî
hem bexşa be ’îlim řutbey wezîrî
sitana xel’et sûf û ḧerîrî
şah ḧudûd şer’ kerd be ordûga
řahî bî yeqîn çenî çend supa