cwab namey siltan ruḧ bih şah dil
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
604 views
emirş sadir kerd sułtan debîr
fermaş be cewab sułtan zemîr
kerdim qîra’et namey piř şiko
memnûn bîm xeylê ce ełtaf to
ta tacit ne text wicûd muqîmen
supa û xezanem be to teslîmen
min hem řezay tom kerden îxtyar
toy saḧêb emir, her toy saḧêb kar
herçî to kerî ’eyn îḧsanen
herçî emirit hen nutiq fermanen
name bî temam, tekmîl bî xel’et
tełeb kerd e’yan wezîr ne xidmet
pey sułtan dił yek tac ce zeř
kemerbend le’il û xerqey mucewher
çenî yek xeymey tenaf baftey zeř
çenî çend qutûy şemamey ’enber
cuda bî perê sułtan zemîr
baqîy dilêran ce parçey faxîr
perê serdaran zumrey nehengan
ce genc û gewher mesned û ferman
bar kerdin yekser xel’ethay faxîz
řewan bî çenîş e’yan û wezîr
negirtiş aram wizîr ne herca
ta wêş yawna be qurb supa
be şah zemîr yawa agahî
warîd bî xel’et ferman şahî