tirtîb dadin hir du siltan lişkir xwîşra dir rizmigah
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
796 views
tertîb da pey řezim ce awerdiga
qelb û meymene, meyserey supa
cew teref sułtan zemîr bî swar
yasał da quşûn ḧerbey karzar
wezîr ce yemîn, wêş neqelbiga
serdar ce meyser ’elem kerd wepa
îradey wezîr ne ’ersey meydan
pey teḧrîk řezim bî be qumandan
ce ebir qeza qeder bî ecel
saza behane be ḧerbey cedel
deng tepłikûs, seday keřena
debdebey dihoł dinya lerzina
berqey esłeḧey seyf ser sînan
çun barîqey ře’d wêş meda nîşan
xêza çerxeçî ce beyn supah
germî dan be ceng ce awerdigah
ce sehim sengîn supay bê ḧîsab
zehrey dilêran yekser bî we ab
řûy zemîn temam bî be kûrey nar
çun dem ef’a menmano şerar
ne cenb meyser xêza lewwame
mîhmîz da be esp řezim hengame
ama be meydan tek da tekawer
tełeb kerd ce san serdar «mibazirArabic»
ce supay serdar xiroşa yeqîn
řû kerd be meydan bewr sehmigîn
aman be hemda herdû pehlewan
serf kerdin ce yek ḧerbey canistan
be axir newbet yawa be yeqîn
şimşêr da ne ferq lewwamey le’în
kelleş bî dû nîm ta be kemerga
kefit ne řûy zemîn le’în gumřa
cewdem xetere merdipehlewan
xiroşa be qîn řû kerd be meydan
keman da be çeng terkiş kerd teyar
serf kerd ce yeqîn xedengan hezar
«aslaًArabic» nekerd kar ce dîr’ yeqîn
yeqîn hełmet kerd pey le’în be qîn
da ne kemergaş şemşîr abdar
dû nîm bî xeter be wêney xeyar!
xiroşa sułtan nefis emmare
be bořyey hucûm kerdiş îşare
ney teref sułtan zemîr xiroşa
yeksere supaş perê ceng coşa
ateş dan be ḧerb tîp topxanan
dilêran pey ceng kêşan beydaxan
dû deryay ’ezîm daxił bîn be hem
dinya tarîk bî çenî toz û tem
qeza perê ceng teḧrîk kerd qeder
mewt dilêran awerd be defter
seran seringûn ḧerbey tazesaw
cesed be mahî, xûn bû be sêław
çend serheng sext, çend newcewanan
xełtan bîn ce xûn ’ersegay meydan
merdan medfûn her mebîn fena
ceng kerd we espab behaney beha
xulase ew řo ta be ’esir teng
ḧerbe ne kaw bî be meẍłûbey ceng
serdar ḧeqîq coşa pey mesaf
sermest cîhad çun ’enta ne qaf
çend kes ce meydan kerdiş dûpare
ama ne’eyniş nefis emmare
da ne kemergaş şimşêr buřřan
řoḧiş pe ceḧîm derdem bî řewan
kêşa seyḧet berz «alilh akbirArabic»
lerze nîşt ne cerg ’edûy sitemger
şikist werd supay xebîsey mel’ûn
horkinya ne ca çûn koy bêstûn
kêşan direfşan supa ne hersû
biřbiř bî supay keferey bedxû
ce qetił û qelar nekerdin dirêẍ
ta binyad kufir ber’ama ce bêx
nepêçan ’enan ta be ordûgah
ta kerdin ẍaret xeymey baregah
supa sakîn bîn ewşew ta seḧer
seḧer emirş kerd şay humayûn feř
hem ordûy le’în kerdin yextesar
hem seran kerdin we kelley menar