rahî şidin xitre bih nizd wizîr û sirdar micaz
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
736 views
řahî bî neřa ’eyyar gumřa
ce xeymey serdar mecaz bî pya
be řesim qanûn nameş gird be kef
be sucdey sucûd selam da be sef
«tuḧfe» û hedîye be řesim pêşkeş
teqdîm kerd ce pêş serdar serkeş
«ew» be xoşḧałî hedyeş kerd qubûł
«hem ce» maceray umûr bî melûl
derleḧze serdar wana namey wêş
sersam bî derdem be dił da teşwîş
ne mecme’ey fîkir xeylê kerd xeyał
pesend kerd mezmûn namey bedfî’al
persa ce êlçî serdar kebîr
watiş beyan ker ce wezîr teqrîr
êlçî be te’cîl ama be guftar
eda kerd senay şaystey serdar
watiş ce emîr merd me’zûnim
me’mûr serbest new’ finûnim
darûn sifarş wezîr muxtar
perê encumen mekerûn îzhar
zûmrey umeray serdar û wezîr
er cem bîn yekser mekerûn teqrîr
er qebûł bî qewl celay encumen
teshîl mebo kar umûr her fen
serdar û êlçî herdû bîn swar
yawan be çadir wezîr muxtar
êlçî kerd sucdey wezîr te’zîm
nameş ne pay text wezîr kerd teqdîm
teqrîr êlçî mezmûn teḧrîr
eser kerd ne qelb ferxunde wezîr