dir byan aqlîm dum asimş ḧiqîqit û xidîwiş ’işq ast
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
705 views
îqlîm duwem mułkiş ’ezîmen
îsimş ḧeqîqet piř xewf û bîmen
yek şehir ’ezîm newca meşhûren
îsimş tewekkul qapîy sirûren
şewq û zewq û wecd, sîdiq û sexawet
sukir û sehim û sîř, buka û şeca’et
yekser qesebe û qezan cew mekan
me’mûreş piř zer’, supaş bê saman
tewekkul merkez ’îşq ḧeqîqen
’edû ce deryay fîkirş ẍerîqen
’alî meqamen, esiłş ateşen
beḧir bê peyen, bad serkeşen
seyḧeş sa’îqey berq lamî’en
têẍiş çun qezay mubrem qatî’en
serdar supay zeřřîn kulahen
cîhan pehlewan, paytext şahen
be ferman řoḧ ew şêr dîjem
şehryarîşen ce mułk duwem
ce text xilûs mest û meẍrûren
ferqiş direxşan tac ḧuzûren
humayûn falen, kenz ḧîkmeten
şêr ẍuřřanen, ’enqa sîfeten
sîmurẍen ce qaf qezay yegane
daro ce meqam ’erş aşyane
çun feqir û faqeş kerden be yawer
dirextiş ce şax tewḧîd piř semer
hem ’îşqen tufeyl şehenşay řoḧen
hem qapîy mî’rac ce ’îşq meftûḧen
hem sozey ’îşqen zemzemey dawud
bexşa ḧelawet be mułk wicûd
hem ’îşq bî xelîl xełas kerd ce nar
mesîḧ yawna be çerx dewwar
hem ’îşq xełas kerd yûns û eyyûb
be ’îşq řewşen bî bînayîy ye’qûb
muḧemmed ce ’îşq saza nerdeban
seḧray lamekan tey kerd we bê an
’îşq bî ce mensûr mekerd «ana aliḧqArabic»
kufir zuleyxaş be nûr kerd mulḧeq
ce ’îşq mewcûd bî ẍewẍay dû cîhan
me’rekey meḧşer, ceḧîm û cînan
zeřřeyê ce piřtew ’îşq bî ce mecnûn
hem ’îşq bî şeq kerd sîney bêstûn
beḧir ’îşqen ’îlim enbyay mursel
qetrey ’îşqen ḧîlim ewlyay ekmel
nebî şehir ’îlim welî dergahen
mezher xurşîd meş’eley mahen
’erz kerdim ’îşq ẍewẍay dû cîhan
lazim kerd îsbat esiłş kem beyan