minacat mؤlif
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
901 views
«feqêPen name» firseten ney weqit û meqam
binał ne dergay ḧeyî layenam..
be ’ezîmîy wêt ’elîm dana!
be cem’ xasan ew şew ce eqsa
’efûm ker ce zenb zelîl û matim
hem ce qeyd û bend bider necatim
yařebî be wezin nûr ’ezemet
dirûd ber muḧemmed nebîyî tewbet
eda bî numaz be wecd û sema’
«saḧb albiraqArabic» bikerdiş weda’
tefrîq bîn ce hem enbya temam
selam dan be nûr şay saḧêb meqam
swar bî be zîn mucîb mursel
buraq hewa send pey semay ewwel
mubeřřa ce kewn berşî ce mekan
azad bî ce qeyd mirûr zeman
dił ce kudûret ḧesret kerd tehî
yîsbat bî xułqiş ce nûr wechî
fewc qudsîyan kerdin îstîqbal
kerdin nûr efşan şay humayûn fal
ew duřiř yetîm ce beḧir sufla
mucewher kerd tac ’erş mu’ella
berşî ce yekem ce duwem guzeşt
ser da ce sêyem dya be guł geşt