tirtîb dadin cibir’îl amurat asbabra
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
545 views
sa çon cubre’îl be emir řeqîb
be «kin fîkunArabic» karan da tertîb
cewdima be emir kerîm xellaq
serda ne cennet pey řemey buraq
dîş ne xyaban fîrdews e’la
řemey firawan ha ne çiraga
ce řemey buraq cem’en sed hezar
yekser ne perwaz bazîy mêrẍuzar
tenha yek buraq ce dûr dî be çem
ze’îf û zelîl, diłgîr û matem!
bê mel’ebey şurb midran dił ḧezîn
serdan ce ’eyniş sîlab esrîn
derdem cubre’îl weneş kerd su’al
persa ce buraq: mer çêşen ey ḧał?!
mer ḧuzinit ce ’eşq ya ce meraqen
wey tewr derûnit ce ẍem îḧraqen?!
wat: ya cubre’îl çend hezar sałen
be nar fîraq cestem zuxałen
yek řo ce teqdîr «alilh alsimdArabic»
aman be ’eynim îsim muḧemmed
cewsawe mecmer dił ahîrînen
pey wesiłş ’eyneyn çeşmey esrînen
’eşq muḧemmed ne dił kerden kar
ne şew xawmen ne řojan qerar
mer ab řeḧmet eltaf xellaq
xamoş ko ne dił nîran fîraq
řeḧmê ko be ḧał bendey bênesîb
bikero şadim be wisił ḧebîb
wer ne ta meḧşer min wey derdewe
ham wey ab germ û ah serdewe
cubre’îl watiş beşaret be to
hay wesił ḧebîb mubarekit bo
min hem me’mûrim ce perwerdigar
yek buraqê peyş bikerûn teyar
biberûn îmşew be te’cîl û tab
tełebkarşen ’elîm wehhab
çunke to wey tewr ne întîzarî
pey řikûb ew to sizawarî
derleḧze buraq weneş kerd sicûd
kerdiş ḧemd ḧeq xellaq wedûd
ser wist be qedem bosa qedem ga
wat: ey cubre’îl řoḧim bo fîda
we’dey şew dêre û nizdîken şefeq
bu’d mesafey ḧebîb mutłeq
cubre’îl ferma bigêre aram
bawerûn perêt hem zîn û le gam
berawerd ce qesir cubrîl emîn
elbîsey cennet hem serc zeřřîn
zîn zeberced, řîkab cewherî
tekełtû ḧerîr, qełtaq ’enberî
’înan baftey zeř, le gam zeř nîgar
ne pişt buraq derdem kerd teyar