valintîna tirîşkova

tirîşkova...
kiçe şoxe swarî gurdûn
ey hełgirî çiłî zeytûn!
ho qareman:
ger řet bûy le ser nîştiman
temaşay kurdistanim ke
seyrî gułzarî cwanim ke
valintîna...
perîy kêw û kej û şaxe
serapa çîmen û baxe
tirîşkova...
lûtkey şaxanî wiłatman
sipîne wekû awatman
aştîxwazîn
řastinyazîn
bîr kotrî sipî be nazîn
le řapeřîn
lûtke û bazîn
gelperwerîn, kurdiperwerîn
tirîşkova...
gerdûnewanî pałewan
le damênî sêberî to
ke be sermana řet ebî
dest nakewêtin nanî co
hezaran wa letlet ebê
ebne xorakî borduman
leřêy azadîy nîştiman
hezaran mêlaq eçênin
pêy ser memkan enexşênin
kîjanî wekû to aza
kelhuř û soran û zaza
eřazênnewe sûreguł
elawênnewe xak û gił
ebne qurbanî řêy jyan
tirîşkova...
le hêrşî lenaw birdin
egrîce xaw
kezîy badraw
hîy xuşkanit
hawřêyanit
ałozawe
ke aławetewe darbeřû
piř be gerû
lepaş mirdin
hawar eka
sikała û řazî yar eka
siław siław, hezar hezar
ey cote swar
maykovsikî... valintîna
valintîna:
melewanî gomî xwênaw
korpey xinkaw
ke le bêşkey dařzawe
behar eka, hawar eka
tirîşkova:
hanay bigeyêne gerdûn
to nizîkî!
bêguman ewa xerîkî
biłê gerdûn:
ew korpaney ke nardûtin
bo nîşaney cwanî jyan
leř û pûtin
birsî û řûtin
řołey sawa
gelêkî wa
nayewê biçewsêtewe
hozî lenaw bitwêtewe
ger neypirsî
le azadîy zigî birsî
bebê tirsî
biłê yek parçe awatin
le xebatin
çunke gelî řojhełatin!
tirîşkova...
êmeş lêre
lew şaxe sexte û hełdêre
pê şûnî hozî to ekeyn
çaweřêy řojî xo ekeyn
herçende mawmane hêşta
bełam êsta
bibûre ger dyarîy ême
yarî ême
milwankey mêlaqî sûr bê
diłî xuşkanî cesûr bê
gułî geş geş
çinrawey lapeřî zêřîn
her aferîn
aferîn be dway aferîn
ta dabezîn
le êmeweş duşmin bezîn
bo to pêşkeş
tirîşkova...