ahengî şî’rêkî geřok

karwanî... serdanî şî’ir
le pêrêwe.. kewtote řê
le nîwey şew.. zengî pîtî wuşey agir
dîtî, xewtûy mezarî jan
le gořistana, pirxey dê
leşkirî şew.. des bexencer
bo berbestî y hełhatnî xor westabû
tifengî nawpêkî azar
le agirdanêkî westabû
*
leřêgada.. şî’rî neşmîl
xêra, şûy kird be têkoşan
xemdanî kurd..
le ahengî řiq xwardina
le ahengî berew sibey serkewtina
bû be dehoł... kewte coşan
ke xor hełhat..
gułêkî sûr.. dengî honrawey hełhênam
řołey bêşkey şî’rî biřwa
nawî (amanc)yan bo lênam
her leřêga..
wityan: zorî, weku (’îsa), hełwasrabûn
gyanî (mehabad) û (kerkuk), encin kirabûn
her lew kata..
diłî zengî karwan hêşta mate..
bastîlî şar.. sipartakosî têda mate
*
her leřêga..
le tînwêtî y
gerûy çiray taryan pirsîy; bo bê awî?
witî: axir! dîcle, furat, piř le zêrûn!