firmêskî naw loçî ała

kîjołekey şaristanî
minî ladê y kurdistanî
xenawkekey.. naxî zewî
de’ałênme..
milî kargey qendî şarit
ta pê biga.. ta biřiskî řencî paritkîjołekey şaristanî
minî ladêy kurdistanî
ta temenî heşt no sałî
le gundê bûm..
be kilîlî dergey xorim nedezanî
řêbwarêkî mandûy řê bûm
hemû sałê...
řencî bawkim hî bapîrim
depêwra be řibey řenc xor
cewałî xem.. bar dekira le gyanî piřsiwê
bo baregay çewsanewe, debra bezor
bo ew cêyey.. ta emřokeş
mafî tûře, lewê dedwê!
ca gyanekem, lêm bibûre
lew nerîte naylonîyey
gyanî ew mirduwe birsîyey
leminit dewê
ew jyane.. lemin dûrekîjołekey şaristanî
destigîranî.. minî ladêy kurdistanî
to waz bêne le jyanî burciwazît
lebîrit çû xoşewîstim?
lebîrit çû, wişey naxî hejar xwazît?
de waz bêne
le’ałozî y bîrî dwênê
lew goranîyey..
hestî zîndûm degryênê?
de waz bêne.. le endêşey koşk û telar
le nazî nêw.. cantay dînar
de waz bêne.. de waz bêne