supay binke sûrekan

cutyarekan... cutyarekan
sermamane...
sermamane... ba agirêk bikeynewe
birsîmane...
birsîmane... ba minałan jîr keynewe
řêman biden
ba tifengekan teř nebin
eger cwênîşman pêbden...
êwe tûşî şeř her debin.
*
cutyarekan... sermamane...
dałdemanden... xwênî xoman agirmane
dałdemanden birsîmane
giřî çawî deştî êwe... luqmey demî şořşimane
dałdemanden ..şîrimjî baweşî gelîn
labirdinî makî dujmin... koşşimane.
cutyarekan... řêgemanden...
kotrî sipî cwanman pê ye
wekû çetrî befrî êwe, hełmandawe
dejîn, dejîn
legeł giřî... le bin nehatûy em řê ye
*
sermamane... bem zistane...
birsîmane...
sermabûn û birsêtîman.
kirdûnî be deskelay qurbanî hejar
wiçan nadeyn
ta derebeg, dête jêr bar
wiçan nadeyn... ta birsêtî nahêłîn û
dê key êweş, dekeyn be şar
cutyarekan...
bistê zewî kêłgekantan, weku lastîk
le dar lastîkê aławe
êmey gulle, berdêkî naw çermî ewîn
hendet zanî...
dał û qelî genmekanmantan pêkawe.
cutyarekan...
tînumane û... baranî sałî nehatîn
sermamane û... xorî germî, beharî naw zewî latîn
birsîmane û xoman nanîn
çemî giřîn... kanî janîn
dałdemanden... destiman damênî zamtan bê
metirsin nabê, xemtan bê
botan debîne cogele û, zewîyekantan bo aw dedeyn
botan debîne amêr û...
legeł lûley çekekanman, cařî şořşî tya taw dedeyn
dałdemanden... ta řeşmałî birsêtîman...
le gundekantan hełbideyn
cutyarekan... le kwê xewtûn.
ke basî serbestî dekirê.
eḧey kurnom dêtewe bîr
le tek ewa kenawî şořşîş debrê
pêławekey eḧey kurnom dête ber çaw...
ke çon debête nwêner û... wezîr