pîrêkî bendikiraw

(mame sware, temenî pitir le 90 sał debû xełkî dêhatekanî çoman bû, leser çek le bendîxane gîrabû be yekewe dejyayn…)
mame sware..
lerubarî loçî ruta, quřawî şaxim lê dyare
le pêçî mêzerî serit... şextey nizarî bapîran..
hêşta wek têlege qeser latan bare
mame sware... însanêkî, mirovêkî
sed zistanit beser birdu xot mayewe
weku befir... netwayewe.
mame sware..
deyan rubar, le behara... serî hełda û
lafaw nawî cogey lênan
firmêskî xuř... hawîn cogey, be areqe,. jyan
mame sware..
le kitêbî temenî to, mêjûy aza dexwênmewe
morwî řencî, řenicberî dêhatekanit
le gîrfanî (beg)û (mîr)y gořistana debênmewe
mame sware..sed weku ew.. dexwênmewe
mame sware..tûrê řêwas bekołtewe
baredarî qełaşkerît, pûşaney axuřî mîre
tamandûbûn řojanet bê... çewsanewet le mil gîre
*
mame sware... le kitêbî temenî to
balorey şoxî çewsawey, kengir le koł debîstim û
ḧezî le sepanî xore..
legerdelûlî henasey, baweş degrête, kuştinîş
řêwas lekoł le lawkî tenyaytida
serbest debê û... giřî wêranî, la zore
hêzî hełsanî la zore
le rubarî xoşewîstî, melewane û řût û qûte
şerim le arezûy naka..
ta le wêney yasay komeł.
gurg le tek «mema» cûte
mame sware..
le kitêbî temenî to, zor dîmenî nwê debînim
çerçî û dêwerey janî to
karîtey xanûy dê yeket... debřinewe
gwêz û řezî baxî mêjût
bexawlî neřey bildozerî dujmin desřinewe
mame sware
minałekan... çaweřêtin... lew binare
řořoyane... degryen bo cûtê gware
bo destigîranî dêrînîş... kwanê gware
mame sware... kwanê gware?
kwanê gware
bêne gware