biřyarêk le gerûy agirda

xoşewîstim..
seyr nîye eger bîstim
asman benaw ’erda tepî
tîzabî xwênî lê peqjî
çunke asmanî çawî to
lêwî dînarî hełmijî
*
xoşewîstim
seyr nîye eger bîstim
le cyatî kew qel dexwênê
leser lutkey gyanî mina xoy denwênê
çunke gyane, em kirdewe
gîrfanêke, pûlî têdaye
gyan kiřîn û ..maç û qijî lûlî tyaye
*
xoşewîstim…
seyrinye eger bîstim
şeqławe cêy y hêłî germî îstiwaye
daristanî teřu fênk, wişk bwe
gerûy cogey xoşewîstî bê newaye
çunke termî bestełekî dûbałî şew
aławete bênî, leşî xoşewîstîm
bezebrî zor, kewtote xew
*
xoşewîstim
seyr nîye eger bîstim
têr û piřî
le amancî xot dexurî
çunke gyane... gîrfan lałe, gîrfan lałe
qisem tałe, qisem tałe
*
xoşewîstim...
seyr nîye eger bîstim
ew çya berzey sefîn... çałe!!
seyr nîye eger bîstim
demî mirdû...
le witnî řastî qałe
gyane, gyane..
ey yarî řabirdûy dwênê
tînî diłî xoşewîstît bê xirpeye
melî berzayî awatit
bê awazu bê çirpeye