wexte le dayk bim

dostekanim, hêşta wişem..
swałkerêkî, jîr telarî dewłemende
hêşta wişem bê nan û aw
çaweřwanî xêrî bîre, bîrî xende
hêşta wişem,
cutyarêkî bebê ’erd û, maf xurawe
lejêr zebrî derebega..
gyanî azad dařzawe
hêşta hestim weku minał, bo xor degrîn
tirsawêkî bêjey biven
le çawyana deřjê esrîn
herçend waye, wişekanim
le baweşî daykî biřwa firiçk xorin
zor çawtîjin...
wek biłêsey lûley tifeng, pişko surin
wişekanim, witekanim, sengyan heye
dengyan heye, rengyan heye
korpeyekî zimanzanin
perwerdey şîrî goy memkî babeguřî kurdistanin.
dostekanim..
nazanim êweş wek min wan!
wişekanim, witekanim
zor xoş dewên
hî bazařî firoştin, nîn
le perwerdey berey zîndûy
sibey dedwên.